妙音仙女
扎西尼玛
999
00:0000:00
ཉི་ཟླ་དང་སྐར་ཚོགས་ཀྱི་ཀློང་ནས།
ཡིད་དགའ་བའི་གསུང་སྐད་ཅིག་ང་ལ་འབྱོར་སོང་།
དབྱངས་གསལ་སོ་བཞིའི་སྲོག་རྟ་ཁྱེར་ནས།
ཕ་སྐད་གཙང་མའི་ངག་སྒོ་ཕྱེས་ནས།
རྩྭ་ཐང་ཡངས་པོའི་སྒོ་གླེགས་རྡུང་བྱུང་།
ཨ། ང་ཡི་གསུང་དབྱངས་ལྷ་མོ།
ཁྱེད་རང་ང་ཡི་སྦྲ་ཁྱིམ་དུ་འཛུལ་བ་ནས་བཟུང་།
ང་ཡིས་འཇིག་རྟེན་གྱི་གཏམ་རྒྱུད་ཐོས་བྱུང་།
ང་ཡིས་མི་ཡུལ་གྱི་སྙིང་གཏམ་ཐོས་བྱུང་།
ཨོ་ཧོ། ང་ཡི་གསུང་དབྱངས་ལྷ་མོ།
ཁྱེད་ནི་ང་ཡི་དུས་གསུམ་རྟག་བརྟན་གྱི་ཕོ་ཉ།
རྒྱ་མཚོ་དང་ཆུ་ཆེན་གྱི་འགྲམ་ནས།
ཡིད་སྤྲོ་བའི་དབྱངས་སྙན་ཞིག་ང་ལ་འབྱོར་སོང་།
ཕ་མེས་གོང་མའི་སྲོལ་བཟང་ཁྱེར་ནས།
འཚོ་བ་གསར་བའི་འཕྲིན་བཟང་བསྣམས་ནས།
རྣང་ཞིང་སྣུམ་པོའི་སྒོ་གླེགས་རྡུང་བྱུང་།
ཨ། ང་ཡི་གསུང་དབྱངས་ལྷ་མོ།
ཁྱེད་རང་ང་ཡི་ཁང་ཁྱིམ་དུ་འཛུལ་བ་ནས་བཟུང་།
ང་ཡིས་མདུན་སྐྱོད་ཀྱི་གོམ་སྒྲ་ཐོས་བྱུང་།
ང་ཡིས་འབོད་སྐད་ཀྱི་དུང་བརྡ་ཐོས་བྱུང་།
ཨོ་ཧོ། ང་ཡི་གསུང་དབྱངས་ལྷ་མོ།
ཁྱེད་ནི་ང་ཡི་དུས་གསུམ་རྟག་བརྟན་གྱི་ཕོ་ཉ།